Nga minuta e 34’ e deri në atë 90’, Kroos ka luajtur i dëmtuar kundër PSG-së.
Zinedine Zidane ka marrë një lajm jo të mirë gjatë ditës së premte. Mesfushori gjerman, Toni Kroos, u dëmtua të mërkurën mbrëma kundër PSG-së dhe do të mungojë së paku 15 ditë.
Sipas të përditshmes madrilene AS, Kroos luajti i dëmtuar nga minuta 34’ kur u përplas me Kylian Mbappen deri në minutën e fundit, duke mos ndier shumë dhimbje gjatë ndeshjes, dëmtim që u vërtetua vetëm pas përfundimit të sfidës. Ai ka probleme me gjurin e majtë.
AS tani raporton se synimi i gjermanit është rikthimi në kohën e duhur për ndeshjen e kthimit me Paris Saint Germainin me 6 mars.
Mesfushori kroat, Mateo Kovacic, pritet të zë vendin e Kroosit në ndeshjet në të cilat do të mungojë gjermani.
Kjo është një mundësi e artë për 23 vjeçarin që ka luajtur këtë edicion vetëm 869 minuta, duke mos shënuar asnjë gol, ndërsa ka dhuruar dy asiste. /Gazeta Express/