Në këtë pikë në mes të korrikut, vera e Barcelonës ka qenë një nga historitë kryesore të afatit kalimtar.

Klubi katalanas nuk ka përfunduar ende, pasi nënshkrimi i Jules Kounde tani është një prioritet kryesor.

Pas marrëveshjes së klubit katalanas për të nënshkruar me Robert Lewandowski, ata tani e kanë kthyer vëmendjen te mbrojtësi i Sevillas.

Nuk duhet harruar se përforcimi i mbrojtjes së tyre është një nga prioritetet kryesore në Camp Nou, transmeton Gazeta Express.

Vija e pasme ishte një nga zonat që i dha dhimbje koke menaxherit Xavi sezonin e kaluar dhe, pavarësisht ardhjes së Andreas Christensen, trajneri ka nevojë për më shumë lojtarë në qendër të mbrojtjes, me Kounde prioritet.

Megjithatë, negociatat nuk do të jenë të lehta për dy arsye. Së pari, për shkak të kërkesave të Sevillas. Së dyti, sepse ka edhe klube të tjera të interesuara për francezin

Skuadra të tilla si Paris Saint-Germain dhe Chelsea gjithashtu e kanë atë në synimet e tyre.

Manchester City, për momentin, nuk është në garë për nënshkrimin e lojtarit, ndonëse është duke e monitoruar mbrojtësin.

Sevilla është e vetëdijshme se mund të bëjë një shitje fitimprurëse, me klubin që kërkon minimalisht 60 milionë euro për Kounde. /Gazeta Express/