Shefi i Grupit Parlamentar të Lëvizjes Vetëvendosje, Glauk Konjufca, ka folur për dallimet mes partisë së tij dhe Partisë Socialdemokrate, e përbërë kryesisht nga ish-kolegë të tij partiakë.
Konjufca ka thënë në emisionin “Pressing”, me Leonard Kerqukin, në televizionin T7, se PSD, kryetar i së cilës është Shpend Ahmeti, nuk po i bashkohet VV’së dhe partive tjera opozitare kur ato po e sfidojnë qeverinë e vendit.
Sipas Konjufcës, PSD’ja po i shërben partive që udhëheqin vendin aktualisht.
Ai ka akuzuar PSD’në se më shumë “po kujdeset që të fillojnë seancat e pozitës”. /Express/
