Policia e Kosovës në bashkëpunim me Doganën e Kosovës kanë realizuar një operacion policor që ka të bëjë me konfiskimin e një sasie të konsiderueshme të substancës narkotike marihuanë dhe arrestimin e disa personave të dyshuar të një grupi kriminal që ka bashkëvepruar në Kosovë por edhe jashtë saj.

Drejtori i Doganës së Kosovës për pikën kufitare të Gjilanit, Agron Sadiku ka thënë se pas pranimit të një informate lidhur me një ngarkesë që ka qenë e dyshimt Dogana e Kosovës ka ndërmarr të gjitha veprimet dhe në bashkëpunim me Policinë e Kosovës ngarkesa është kontrolluar dhe është gjetur sasi e konsiderueshme e lëndës narkotike.

Ndërkaq drejtori i Drejtorisë së Trafikimit kundër narkotikëve Bahri Shala, theksoi se operacioni është realizuar me datë 16 dhjetor të këtij viti pas informacioneve fillestare.

“Në disa dritare në brendësi të tyre është gjetur sasia prej 243kg të substancës narkotike, pas kësaj zyrtarët e drejtorisë antidrogë me autorizimin e prokurorit publik kanë filluar bastisjet për lokacionet e mundshme të prejardhjes së kësaj substance narkotike.
Janë kontrolluar 10 dritare të plastikes dhe 32 roleta ku në brendësi të tyre është gjetur substanca narkotike”, ka thënë Shala, transmeton Telegrafi.

“ Të arrestuarit janë M.L 1985, GJ.R 1993 N.B 1962, SH.L 1972, V.M 1978. Me vendim të prokurorit të dyshuarve u është shqiptuar masa e ndalimit policor”, tha Shala.

978. Me vendim të prokurorit të dyshuarve u është shqiptuar masa e ndalimit policor”, tha Shala.