Komuna e Lipjanit ka njoftuar se nesër do të vazhdoj mësimi i rregullt dhe sipas orarit të rregullt.
Drejtoria komunale e Arsimit në Lipjan, njofton drejtorët e shkollave, mësimdhënësit dhe nxënësit se procesi mësimor nesër do të vazhdojë.
Zyra për Marrëdhënie me Publikun
Komuna e Lipjanit
Ndërsa,
Këshilli i Përgjithshëm i Sindikatës së Bashkuar të Arsimit, Shkencës dhe Kulturës (SBASHK), ka vendosur që nesër (e hënë) nuk do të ketë grevë.
Lajmin e ka konfirmuar për “Epoka e re”, kryetari i SBASHK-ut, Rrahman Jasharaj.
Ai ka thënë se kanë vendosur që t’i japin kohë Qeverisë deri më 24 prill për të parë nëse do të zbatohet vendimi për pagesën e përvojës prej 0.5 për qind për çdo vit për punëtorët e arsimit.
“Ne do të presim deri më 24 prill për të parë nëse Qeveria do ta zbatojë vendimin e saj. Nëse nuk zbatohet ne jemi të detyruar që të shpallim grevën e përgjithshme”, ka thënë Jasharaj.