Kuvendi i Komunës së Lipjanit, nën-udhëheqjen e Kryesuesit Daut Azemi, gjatë ditës së sotme ka zhvilluar punimet e seancës së radhës në të cilën janë shqyrtuar dhe aprovuar të gjitha pikat e rendit të ditës të cilat ishin të propozuara për diskutim në këtë mbledhje, njofton Komuna.
Fillimisht, asambleistja e re nga radhët e Lidhjes Demokratike të Kosovës (LDK), Xhyzide Rrustemi ka bërë betimin si antare e re e Kuvendit Komunal.
Ndërsa, Kryetari i komunës Imri Ahmeti para asambleistëve ka prezantuar ndryshimet që janë bërë në ekzektuvi me emërimin e drejtorëve të rinjë.
Po ashtu, i pari i Lipjanit, Imri Ahmeti është përgjigjur pyetjeve që janë ngritur nga antarët e kuvendit, thuhet në njoftim nga Komuna e Lipjanit.
Në këtë mbledhje është dhënë informatë për punën e KKSB-së për vitin 2019, ndërsa janë shqyrtuar dhe aprovuar rregullorja mbi taksën administrative për leje ndërtimore, leje rrënimi dhe tarifën për rregullimin e infrastrukturës dhe propozim vendim për dhënien e pëlqimit për ndarjen e mjeteve financiare për fermer.
