Komuna e Prishtinës njofton të gjithë qytetarë se autobusët nuk lejohen të ndalen tek rrethi i qytetit, në Veternik.

Komuna e Prishtinës apelon që të respektohen rregullat e komunikacionit dhe ua rikujton të gjithë pjesëmarrësve në trafik se nuk janë të lejuara ndaljet e përkohshme të automjeteve, e veçanërisht të autobusëve ndër urban, në rrethin në dalje të kryeqytetit.

“Kërkojmë nga operatorët që ta respektojnë ligjin për transportin rrugor (Ligji NR. 04/L-179), ku saktësohet se ‘Vend-ndalje’ nënkupton sipërfaqen e ndërtuar dhe të shënjuar posaçërisht, e caktuar për ndaljen e autobusëve e që mundëson hyrjen, përkatësisht daljen e sigurt të udhëtarëve dhe bagazheve. Ju rikujtojmë se të gjithë qytetarët që dëshirojnë të shfrytëzojnë autobusët ndër urban nga Prishtina në drejtim të Veterrnikut, duhet të nisen nga stacioni i autobusëve”, thuhet në një njoftim të Komunës së Prishtinës. /Telegrafi/