Komuna e Lipjanit njofton se nxënësve të klasave të ulëta Gadime e Epërme dhe Gadime e Ulët nga sot iu është mundësuar transporti i nxënësve me kombi-bus.
“Nxënësve të klasave të ulëta Gadime e Epërme dhe Gadime e Ulët, nga sot iu është mundësuar transporti i nxënësve me kombi-bus.
Sot edhe zyrtarisht u bë përurimi i kësaj linje të re. E gjithë kjo erdhi falë angazhimit maksimal të kryetarit të Komunës së Lipjanit, Imri Ahmeti, i cili me rastin e lëshimet të kësaj linje, së bashku me drejtorin e Arsimit, Rasim Hasanin u shoqëruan me transport me nxënësit e shkollës “ Zenel Hajdini”.
Kryetari Ahmeti tha se, nga sot nxënësit e të dy Gadimeve do ta kenë më lehtë transportin me kombi-bus.
“ Nxënësit e të dy Gadimeve kanë qenë të detyruar të ecin më shumë se një kilometër rrugë, nga sot do ta kenë më të lehtë udhëtimin ”, tha ai, dhe u shpreh i kënaqur, sepse krahas shumë projekteve të nisura, përmbushi edhe një premtim të cilin, iu kishte dhënë banorëve të Gadimeve.
Ahemti, po ashtu ka takuar edhe drejtorin e shkollës” Zenel Hajdini”, z. Shukri Ibrahimin, dhe ka diskutuar për mbarëvajtjen e mësimit në këtë shkollë.” thuhet në njoftimin e Komunës së Lipjanit./LipjaniNews/
