Drejtoria e Inspektoriatit në Komunën e Lipjanit po vazhdon aksionin për respektimin e ligjit kundër duhanit.
Drejtori i Inspektoriatit , Imer Rrustemi tha se komuna e Lipjanit në vazhdimësi është duke punuar rreth zbatimit të ligjit të kontrollimit kundër duhanit.
“ Ne vazhdimisht jemi duke punuar rreth zbatimit të ligjit të kontrollimit kundër duhanit, mirëpo deri më tash, vështirësitë më të mëdha i kemi hasur në terren, për shkak të ankesave të bizneseve hoteliere të Lipjanit, të cilat ankohen vazhdimisht sepse vetëm Komuna e Lipjanit është duke e zbatuar këtë ligj”, ka thënë drejtori Rrustemi.
Po ashtu drejtori, Rrustemi tha se komuna e Lipjanit i ka dhënë prioritet ligjit kundër duhanit më shumë se gjitha komunat tjera, dhe për këtë është vlerësuar pozitivisht nga Inspektoriati Sanitar i Kosovës