Kryetari i Komunës Imri Ahmeti sot ka nënshkruar memorandum mirëkuptimi me pëfaqësuesit e Ministrisë së Planifikimit Hapësinor për zbatimin e projekteve për masat efiçiente në ndërtesat në bashkëpronësi banesore publike (projekt i bashkëfinancuar në mes Bankës Botërore dhe Komunës së Lipjanit.
Komuna e Lipjanit është Komuna e parë në nivel vendi që ka nënshkruar një memorandum të tillë mirëkuptimi dhe pas kësaj kësaj marrëveshje do të filloj me përpilimin e projekteve kryesore për renovimin e objekteteve shumë banesore duke i zbatuar masat e energjisë efiqiente. Gjithashtu pjesë e këtij projekti është edhe krijimi i shoqatave të pronarëve në ndërtesat shumëbanesore në bashkëpronësi.
Kryetari Imri Ahmeti pas nënshkrimit të këtij memorandumi është shprehur i lumtur që Komuna e Lipjanit është ranguar e dyta dhe është në mesin e katër komunave ne nivel vendi për përfitimin e këtij projekti.
Kryetari Ahmeti po ashtu ka theksuar se nëpërmes këtij projekti parashihet fillimisht krijimi i këshillave të bashkëpronarëve në ndërtesat shumë banesore, pastaj hartimi i projektit për mirëmbajtjen e objekteve banesore dhe renovimi i këtyre objekteve, pastaj do të përzgjedhen tri objekte të mëdha shumë banesore në qender të qytetit si pilot projekt për masat e energjisë efiçiente për të cilat edhe komuna ka paraparë investime në vlerë prej 150 mijë euro për vitin në vijim.