Komuna e Lipjanit ka njoftuar se salla e sporteve “Better Life” në Lipjan do të jetë në funksion të vaksinimit të qytetarëve kundër Covid-19

Njoftimi plotë:

Njoftim për Klubet Sportive dhe sportistët

Drejtorati për Kulturë, Rini dhe Sport (DKRS) në Komunën e Lipjanit, njofton Klubet Sportive dhe sportistët lipjanas që salla e sporteve “Better Life” në Lipjan do të jetë në funksion të vaksinimit të qytetarëve kundër Covid-19, pasi sallat e tjera sportive nuk i plotësojnë kushtet e kërkuara nga Ministria e Shëndetësisë.
DKRS do të harmonizoj orarin e aktiviteteve sportive në sallën e Sh.f.m.u “Vëllëzërit Frashëri” dhe sallën e Gjimnazit “Ulpiana” në Lipjan, prandaj kërkon nga Klubet Sportive dhe sportistët që stervitjet e tyre të nevojshme t’i kalojnë në këto salla deri në periudhën e përfundimit të vaksinimit të qytetarëve.
Klubet Sportive dhe sportistët, terminet e tyre duhet t’i lajmërojnë tek shkollat përkatëse, në Gjimnazin “Ulpiana” dhe në shkollën fillore “Vëllëzërit Frashëri” në Lipjan.

Shëndeti mbi të gjitha!