Një delegacion nga Komuna e Lublinit të Polonisë, në përbërje të z.Tomasz Chmielik, sot ka vizituar Komunën e Lipjanit. Në këtë rast, janë diskutuar mundësitë rreth binjakëzimit të këtyre dy komunave.
Kreu komunal, Imri Ahmeti, është shprehur i kënaqur me vizitën e bërë nga ana e z. Tomasz Chmielik, i cili kishte marrë përsipër të ndërmjetësoi për binjakëzimin e Komunës së Lipjanit me atë të Lublinit.
Ahmeti, përgjatë diskutimit me Chmielik, ka folur gjithanshëm në të gjitha fushat, e në veçanti ka folur për interesat e përbashkëta që dyanshëm lidhin komunat. Ai po ashtu, ka përmendur modelet konkrete për realizimin e këtij bashkëpunimi, ku dhe ka theksuar specifikat në mënyrë të veçantë dhe të detalizuara, me rastin e vizitës së delegacionit nga Lublini.
Ndërsa z. Tomasz Chmielik, është shprehur i kënaqur përderisa ka shkëmbyer idetë dhe përvojat nga komuna e Lublinit, me kryetarin Ahmeti. Ai po ashtu ka theksuar nivelet arsimore dhe kulturore që përbashkojnë binjakëzimin, në një të ardhme të afërt, ndërmjet komunës së Lipjanit dhe asaj të Lublinit.
Pas takimit, delegacioni nga Lublini, ka vizituar edhe Shkollën e Mesme “ Adem Gllavica” në Lipjan./kklipjan/
