Komuna e Lipjanit ka hedhur kritika ndaj Ministrisës së Shëndetësisë për mos furnizimin me barna nga lista esenciale.
Sipas Komunës kjo po vështirson shërbimet ndaj qytetarëve, e sidomos me furnizim me insulinë.
Për këtë Drejtoria e Shëndetësisë në Lipjan ka kërkuar mirëkuptim nga pacientët
“Të nderuar qytetarë ju njoftojmë se furnizimi me barna nga lista esenciale e veçanërisht furnizimi me insulin bëhet nga Ministria e Shëndetësisë e që nga dhjetori i vitit të kaluar e deri më sot nuk është bërë furnizimi i rregullt me sasi të mjaftueshme sidomos me Insulinë”, thotë Komuna Lipjanit
“Prandaj Drejtoria për Shëndetësi dhe Përkujdesje Sociale kërkon mirëkuptimin e gjithë pacienteve që trajtohen me insulinë dhe që furnizohen nga Qendra Kryesore e Mjekësisë Familjare në Lipjan për mungesën e këtij medikamenti”, thuhet tutje.
/LipjaniNews/
