Kompania VPD “Dragobil” nga Malisheva demanton se lajmin publikuar sot nga Kosovapress, se është punëkryerëse në projektin e ndërtimit të shtatores së Car Lazarit në Mitrovicën e veriut.

“Kompania jonë ka kryer vetëm shpimin e pilotave dhe nuk ka pasur të bëjë me projektin në fjalë. Veç kësaj në jemi kontraktuar nga një kompani tjetër, e cila ka fitu tenderin nga Komuna e Mitrovicës, por puna jonë ka përfunduar me kryerjen e pilotave (d.m.th. hapjen e gropave”, thuhet në demantin e VDP “Dragobil” ndaj artikullit të publikuar nga Kosovapress, të cilin e ka transmetuar Telegrafi.

“Dhe ne para se të shkojmë për të kryer këtë lloj pune me kompaninë tonë, kemi pyetur për natyrën e punës, dhe na është thënë se është prjekt i financuar nga Bashkim Evropian dhe do të ndërtohet një lloj fontane”, thuhet në reagim!