Kryeministri i Kosovës, Albin Kurti, ka reaguar pas publikimit të raportit të Komitetit të Helsinkit për të Drejtat e Njeriut, ku konstatohet se Serbia vazhdimisht po nxit tensione në rajon.

Në raport po ashtu përmendet propaganda e rreme nga pushtetin i së djathtës autoritare në Serbi se gjoja serbët janë të rrezikuar në Kosovë.

E kryeministri kosovar në reagimin e tij ka thënë se ky raport është shqetësues, i cili po ashtu detajon diskriminim e udhëhequr nga shteti kundër shqiptarëve etnikë në Serbi.

“Një raport shqetësues i Komitetit të Helsinkit për të Drejtat e Njeriut që detajon pushtetin e së djathtës autoritare në Serbi, përhapjen e propagandës së rreme rreth rrezikimit të supozuar të serbëve në Kosovë dhe diskriminimin e udhëhequr nga shteti kundër shqiptarëve etnikë në Serbi”, ka shkruar Kurti në Twitter. /Telegrafi/

A worrying report by the Helsinki Committee for Human Rights detailing the authoritarian right’s power in Serbia, its spread of false propaganda about the alleged endangerment of Serbs in 🇽🇰, and state-led discrimination against ethnic Albanians in Serbia:https://t.co/eLia3RYKhE pic.twitter.com/eHqVkUGV3Q

— Albin Kurti (@albinkurti) July 1, 2023