Komuna e Prishtinës mbajti takimin e parë me banorët e lagjes “Kodra e Trimave”, për të diskutuar lidhur me shqetësimet e qytetarëve të kësaj lagjeje.

Në këtë diskutim publik banorët kërkuan planifikim të mirëfilltë të lagjes. Kërkesat e tyre konsistonin në zgjidhjen e problemit me kanalizimin, ndërrimin e gypave të ujit, ndërtimin e shkollave, çerdheve, fushave sportive apo parqeve rekreative si dhe ndërtimin e një shtëpi kulture.

Po ashtu ata kërkuan nga Komuna që të zgjidhet çështja e pronave.

Komuna e Prishtinës, përmes një kumtese thekson do të marrë parasysh të gjitha kërkesat dhe propozimet që parashtruan qytetarët dhe do të organizojë edhe takime të tjera me banorët e lagjes, në mënyrë që ata të përfshihen sa më shumë në vendimmarrje. /Telegrafi/