Arijanet Muric mund të largohet nga Burnley gjatë afatit kalimtar të janarit.

Portieri kosovar nuk është zgjedhja e parë e Vincent Kompany këtë sezon. Ai ende nuk ka regjistruar asnjë paraqitje në Premierligë, shkruan Gazeta Express.

Murici numëron vetëm dy paraqitje deri më tani. Të dy paraqitjet e tij u regjistruan në Kupën EFL.

Kësisoj, 24-vjeçari mund të ndryshojë ambient në afatin kalimtar dimëror, duke nënshkruar me Union Berlinin – sipas raportimeve nga “Sky Germany”.

Klubi gjerman thuhet se po mendon huazimin e reprezentuesit të Kosovës, duke përfshirë opsioni e blerjes.

Nëse një lëvizje e tillë realizohet, Aro Muric edhe te Union Berlini do të duhej të luftonte me konkurrencën ndaj Frederik Ronnow, për pozitën e titullarit.

Gjithsesi, besohet se trajneri Kompany do të kërkojë një portier tjetër për zëvendësimin e portierit dardan, nëse Burnley pranon largimin e tij.

Ndryshe, Arijanet Muric ka kontratë të vlefshme me klubin anglez deri në verën e vitit 2026. Bazuar në “Transfermarkt”, ai në tregun e transferimeve vlerësohet me 9 milionë euro. /Gazeta Express/