Një lajm i pabesueshëm vjen nga Anglia.

Sipas mediumit të atjeshëm, “Evening Standard”, Chelsea ia ka vënë syrin portierit të Milanit, Mike Maignan, përcjell “Gazeta Express”.

Gjithnjë sipas këtij mediumi, “Blues” i kanë ofruar 90 milionë euro për portierin francez.

Sidoqoftë, Kuqezinjtë me gjasë e kanë refuzuar ofertën e klubit anglez pasi e konsiderojnë si të pashitshëm portierin e tyre solid.

Me këtë rast, “Të Kaltrit” thuhet se ia kanë vënë syrin edhe portierit të Interit, Andre Onana, i cili pëlqehet edhe nga Manchester United.

Maignan dhe Onana janë dy prej portierëve më të mirë në Itali për momentin. /Gazeta Express/