Klubet angleze raportohet se kanë hequr dorë nga mundësia për të nënshkruar me Paulo Dybalan.
Sipas “Daily Mail”, klubet e interesuara nga Premierliga nuk duan të nënshkruajnë me argjentinasin shkaku i kërkesës së tij lartë lidhur me pagën
Arsenali, Manchester Unitedi dhe Tottenhami Hotspuri, ishin klubet e interesuara për Dybalan, transmeton Gazeta Express.
28-vjeçari ka mbetur lojtar i lirë, pasi nuk u vazhdua bashkëpunimi mes tij dhe Juventusit.
Tani, Interi besohet të jetë klubi më favorit për të nënshkruar me ish-futbollistin e Palermos.
Paris Saint-Germaini dhe Roma mendohet se janë dy klubet tjera të interesuara për shërbimet e Paulo Dybalas. /Gazeta Express/
