Jurgen Klopp nuk e ka ndërmend të largohet nga Liverpooli përkundër faktit se nuk po i ecin punët mirë kohëve të fundit.

Aktualisht, “Reds” gjenden në vendin e shtatë në Premierligë, por kjo nuk e pengon trajnerin gjerman të mendojë se e ardhmja e tij do të jetë e lidhur me klubin nga “Anfield Road”, përcjell “Gazeta Express”.

“Ne kemi të ardhme së bashku. Është vendim yni se si t’i menaxhojmë gjërat. Kemi vlera, kemi principe”, ka thënë fillimisht ish-trajneri i Borussia Dortmundit.

“Ne nuk duam të jemi ndryshe si klub. Ne kemi të ardhme së bashku”, vazhdoi Klopp.

Liverpooli synon të përfundojë në Top 4 në këtë edicion, në mënyrë që të luajë në Ligën e Kampionëve në sezonin e ardhshëm. /Gazeta Express/