Lideri i PDK-së, Hashim Thaçi, pritet të ketë edhe këshilltarë ndërkombëtarë, politikanë me përvojë dhe me ndikim, në mandatin e tij si president.

Diplomati norvegjez Kai Eide, ai gjerman Wolfgang Ischinger, pastaj diplomatët austriakë Wolfgang Petritsch dhe Erhard Busek janë vetëm katër prej emrave që do të angazhohen si këshilltarë pro bono të presidentit të ri, Hashim Thaçi, për çështje ndërkombëtare dhe reforma të vendit në procesin e integrimeve.

Pjesë e kabinetit të Thaçit pritet të jenë edhe figura të tjera politike ndërkombëtare.

Telegrafi ka provuar të kontaktojë me kabinetin e Thaçit për t’i konfirmuar këta emra, por ata nuk kanë dashur që të flasin njëherë për këtë çështje. /Telegrafi/