Sot në sallën e Kuvendit Komunal është zhvilluar takim mes Kryetarit të Komunës, Imri Ahmeti, Drejtoreshës së DKA-së, Elmaze Behluli dhe drejtorëve të shkollave, ku është diskutuar rreth përgatitjeve për fillimin e vitit të ri shkollorë 2020-2021.
Kryetari i Komunës, Imri Ahmeti ka kërkuar angazhimin e të gjithë të pranishmëve në mënyrë që mos ta lëmë të shkatërohet sistemi arsimor nga sfidat që i kemi si pasojë e situatës me të cilën po përballemi.
Kryetari Ahmeti po ashtu ka theksuar se kjo situatë nuk është aspak e lehtë dhe është mjaft sfiduese, prandoj duhet të kemi kujdes se si do të zbatohet plani për rikthimin në shkolla dhe se duhet një veprim i përbashkët i shkollave me DKA-në në mënyrë që mos të përhapet pandemia tek nxënësit, njofton Komuna.
Ai tha se konform vendimeve do të bëhen edhe përgatitjet për shkolla, do të sigurohen maska dhe dezinfektues për nxënës dhe personelin e shkollave.
Në fund të takimit u prezantua edhe platforma e përgatitur për zhvillimin e mësimit online në nivel komunal.
