Prokuroria Themelore në Ferizaj ka kërkuar t’u caktohet masa e paraburgimit XH.G. dhe V.B., të dyshuar për kryerjen e veprën “blerje, posedim, shpërndarje dhe shitje e paautorizuar e narkotikëve, substancave psikotrope dhe analoge”.

Sipas njoftimit, më 25 tetor të këtij viti, gjatë kontrollimit të veturës së XH.G., është gjetur një çantë krahu, ku është gjetur një qese najloni me narkotikë, ndërsa në banesën e të njëjtit kanë hasur 13 qese me kokainë.

Në banesën e V.B. thuhet se janë gjetur mbetje të qeses së najlonit që dyshohet se janë përdorur për paketim të substancës narkotike.

“Dy të pandehurit, me urdhër të prokurorit të shtetit, gjenden nën masën e ndalimit 48 orësh”, thuhet në njoftim.