Prokuroria për Krimet e Rënda në Tiranë ka kërkuar 152 vite burg për nëntë imamët, të cilët akuzohen se kanë rekrutuar luftëtarë shqiptar për në Siri dhe Irak.

Prokuroria thotë se ka siguruar prova të mjaftueshme se të pandehurit, kryesisht në vitin 2013, kanë bindur dhe dërguar në Siri qytetarë të ndryshëm shqiptarë, me qëllim bashkimin e tyre me grupet radikale të armatosura që veprojnë në atë zonë.

Akuza zyrtare ndaj nëntë imamëve është “rekrutimi i personave për kryerjen e veprave me qëllime terroriste ose të financimit të terrorizmit”; “stërvitja për kryerjen e veprave me qëllime terroriste”; “nxitja e urrejtjes ose grindjeve”. /Telegrafi/