Florent Hadërgjonaj do të luajë në Bundesliga 2 sezonin e ardhshëm, nëse vazhdon të jetë pjesë e Ingolstadtit, derisa Mërgim Mavraj me Hamburgun ka vetëm edhe një shans për t’i shpëtuar rënies nga Bundesliga.
Gjatë ditës së sotme është zhvilluar xhiroja e 33 në Bundesliga ku lufta më e madhe po bëhet për mbijetesë, pasi tashmë Bayern Munich ka fituar titullin e kampionit, shkruan Gazeta Express.
Pas barazimit 1:1 me Freiburgun, Ingolstadti i Florent Hadërgjonajt edhe zyrtarisht do të bëjë gara sezonin e ardhshëm në Bundesliga 2, lajm jo i mirë ky për mbrojtësin shqiptar.
Derisa rrezikon të bie edhe Hamburgu i Mërgim Mavrajt, që gjendet në pozitën e 16’të. Në xhiron e 33’të, Hamburgu i Mavraj u ndal nga Schalke 1:1.
Në xhiron e fundit, Hamburgu përballet me Wolfsburgun, që ka dy pikë më shumë se skuadra e Mavrajt.
Kjo do të thotë se nëse Hamburgu mposht Wolfsburgun, do të sigurojë mbijetesën në Bundesliga, në të kundërtën duhet të tentojë përmes play-offit. /Gazeta Express/
