Selver Lenjani përfaqësues i fshatit Karaqevës thotë për rajonipress se ka dy muaj që fshati nuk ka ujë.”Ne nuk kemi rrymë dhe kur s`ka rrymë pastaj nuk ka as ujë. Rreth 1500 banorë jemi pa ujë, kurse fajtor është KEK-u lexo KEDS-i “ shprehet Lenjani.
Lenjani thotë se banorët ndihen të revoltuar pse KEDS-i ende nuk e ka zgjidhur problemin e rrymës dhe ne shumë shpejt edhe do të mbajmë një protestë gjithepopullore shprehet ai.
Kurse Faton Biqkaj zëdhënës i komunës tha për rajonipress se ujësjellësi në Karaqevë nuk ka qenë në funksion qe disa vite për shkak se rryma ka qenë e lidhur me shtetin e Serbisë, por ne si Komunë kemi ndarë një shumë prej 7777 euro për instalimin, rregullimin dhe kyçjen e rrymës me KEDS-in deri tek rezervuari i ujësjellësit dhe është në fazën përfundimtare zgjidhja e këtij problemi disa vjeçar për qytetarët e këtyre fshatrave.
Biqkaj tha se ka mbetur vetëm vendosja e një trafo nga KEDS-i dhe do të funksionalizohet uji për banoret e dy Karaqeva e Ulet dhe Epërme.
Atje ka pasur disa dëmtime në ujësjellës, por janë rregulluar dhe teknikisht konsiderohet se është në rregull çështja e ujësjellësit. “Ne si Komunë qëndrojmë pranë qytetarëve dhe në zgjidhjen e kërkesave të tyre” tha Biqkaj./rajonipress/