Dy persona të vetëquajtur mjekë në Shtime kanë ushtruar veprimtarin mjekësore në mënyrë të kundërligjshme ne objektet e tyre private, të cilat ishin të pa regjistruara si biznese, njofton Klan Kosova.
Policia e Kosovë njofton se duke dyshuar në këta dy persona të premten njësiti i Hetimeve të Krimeve Ekonomike dhe Korrupsionit në bashkëpunim me inspektorët e Agjencionit Tatimor te Kosovës, Inspektorët Shëndetësorë të Kosovës dhe inspektorët e Agjensionit Kosovar për Produkte Medicionale, kanë ushtruar kontrollë në këto dy lokacione të ndara.
“Gjate kontrollimit te lokacionit te parë në objektin e të dyshuarit është konstatuar se nuk ka licence pune, nuk kishte biznes te regjistruar dhe janë konfiskuar disa materiale te pacienteve të kontrolluar në lokalin e tij, edhe në lokacionin e dytë i dyshuari nuk kishte licence pune, s’kishte biznes te regjistruar dhe është gjetur një sasi e barnave qe janë konfiskuar nga ana e Inspektorëve të AKPM”, njoftohet në raportin e Policisë.
Lidhur me rastin është informuar prokurori dhe me urdhërese të tij të dy lokalet janë mbyllur me shirit, ndërsa lënda ndaj të dyshuarve është dërguar në procedurë të rregullt.
