Kryetari i Komunës së Lipjanit, Imri Ahmeti, sot ka pritur në zyrën e tij, kampionin lipjanas në atletikë, Emin Grajqevci, në nivel të Republikës së Kosovës, të shpallur edhe së fundi si kampion Ballkanik në 10 km. në garat e organizuara për disiplinat e gjata të mbajtura në Podgoricë të Malit të Zi.
Në këtë rast, kreu komunal, duke e uruar për sukseset e arritura kampionin lipjanas, ka thënë se, mbështetja nga ana e Komunës do të jetë e vazhdueshme për sportistët të cilët i sjellin Komunës së Lipjanit, çmime qofshin në nivel republikan apo ndërkombëtarë .
Ndërkaq, në anën tjetër, Emin Grajqervc, ka falënderuar kryetarin Ahmeti për mbështetjen e vazhdueshme , dhe e ka njoftuar atë se si reprezentatues i Kosovës në atletikë do të merr pjesë edhe në maratonën e organizuar në Shqipëri me 28 Nëntor 2015, në 42 km 195m.
Emin Grajqevci, deri më tani ka marrë shtatë medalje të arta, shtatë të argjenta dhe tri të bronzta.