Deputetja e AAK-së, Donika Kadaj – Bujupi, ka paralajmëruar se nesër në orën 14:00 do të nisin protestat e opozitës në Prishtinë, me moton “Për shtet me sovranitet”.

Ajo ka shkruar në Facebook duke treguar se do të vazhdojnë, disa në shesh e disa nëpër gjykata, për ta kundërshtuar Asociacionin dhe Demarkacionin.

Lexojeni postimin e plotë të deputetes Kadaj – Bujupi në Facebook:

“Të dashur miq,
Disa nga ne nesër nuk mund të jemi me ju, në mbrojtje të Republikës.

Pasi qysh në orët e mëngjesit do ballafaqohemi edhe njëherë në seancë gjyqësore, për veprimet tona në mbrojtje të vendit.

Sepse drejtësia nuk qëndron në të qenurit neutral ndërmjet të drejtës dhe të gabuares, por në përcaktimin për të drejtën dhe mbrojtjen e saj kundër së gabuares.

Prandaj ne do vazhdojmë bashkë, gjithmonë bashkë, disa në shesh e disa në gjykatë, disa tjerë ne burg, por të gjithë me një qëllim, në mbrojtje të vendit kundër Zajednicës dhe Demarkacionit, kundër qeverisë jokushtetuese dhe kampione për korrupsion!

‪#‎PershtetMeSovranitet‬ nesër në orën 14:00!” (sic), ka shkruar Kadaj-Bujupi. /Telegrafi/