Mario Mandzukic, Sami Khedira, Patrice Evra, Simone Zaza e Martin Caceres – janë kthyer në skuadrën e Juventusit për ndeshjen kundër Fiorentinas.

Zonja e Vjetër ka një ndeshje të vështirë para vetes, e cila zhvillohet të dielën mbrëma në Torino.

Porse, kësaj radhe, Massimiliano Allegri ka thuajse gjithë skuadrën në dispozicion. Mungojnë Roberto Pereyra dhe Hernanes.

Mandzukic është shëruar nga ftohja, Zaza e ka kaluar problemin muskulor, kurse mjekët i kanë dhënë leje Khediras që të luajë.

Skuadra e plotë e Juventusit: Buffon, Chiellini, Caceres, Khedira, Zaza, Marchisio, Morata, Pogba, Alex Sandro, Barzagli, Cuadrado, Mandzukic, Bonucci, Padoin, Dybala, Rugani, Neto, Lichtsteiner, Sturaro, Evra, Rubinho, Vitale. /Telegrafi/