Juventusi ka dërguar një ofertë te Paris Saint-Germaini për Leandro Parades.

Sipas “Corriere dello Sport”, klubi italian ka ofruar 15 milionë euro si dhe bonuse tjera për shërbimet e argjentinasit, transmeton Gazeta Express.

Juventusi synon që ta marrë Paradesin në formë huazimi për sezonin e ri, por që të përfshihet opsioni “detyrim blerje” pas përfundimit të sezonit.

Në anën tjetër, Paris Saint-Germaini thuhet se po kërkon së paku 20 milionë euro për shitjen e 28-vjeçarit.

Parades te kampionët e Francës nuk po gjen hapësira. Ai ka luajtur vetëm në 15 ndeshje në Ligue 1 në sezonin e fundit.

Ish-futbollisti i Romës me PSG-në ka kontratë të vlefshme deri më 30 qershor 2024. /Gazeta Express/