Juventus thuhet se ka ndryshuar propozimin e tyre për Angel Di Maria, duke e bërë atë një kontratë njëvjeçare me një opsion për një sezon të dytë dhe jo një marrëveshje dyvjeçare, duke shpresuar se do ta bindë atë të refuzojë Barcelonën.

Argjentinasi është lojtar i lirë pas largimit nga Paris Saint-Germain, transmeton Gazeta Express.

Atij i kishin vendosur afate për t’i dhënë përgjigje Juventusit, por ende nuk ka pasur ndonjë zhvillim.

Sipas ekspertit të transferimeve të Sky Sport Italia, Gianluca Di Marzio, Juventus e kupton se pika e pengimit është qëllimi i Di Maria për t’u kthyer në Argjentinë në vitin 2023.

Prandaj, ata janë të përgatitur të rregullojnë propozimin e tyre nga një kontratë dyvjeçare në një marrëveshje njëvjeçare, e cila gjithashtu ka një opsion për t’u zgjatur për një sezon të dytë.

Di Maria vazhdon të diskutojë situatën me familjen e tij, të cilët do të preferonin një transferim në Spanjë.

34-vjeçari luajti për Real Madridin nga 2010 në 2014, përpara transferimit të tij prej 75 milionë euro te Manchester United, i ndjekur nga PSG një vit më vonë. /Gazeta Express/