Drejtori sportiv i Galatasarayt, Cenk Ergun e ka konfirmuar interesimin e Juventusit për Wesley Sneijderin.
Bianconerët kanë qenë të lidhur me transferimin e lojtarit në dy vitet e fundit, por nuk ndodhi, pasi lojtari nuk deshi të largohet nga Turqia.
“Po, ne kemi folur”, ka thënë Ergun për Sky, sa i përket interesimit të Zonjës së Vjetër për holandezin.
“Ishte e drejtë që ai të qëndronte me ne. Ai është i lumtur në Stamboll. Ai është një lojtarë shumë i rëndësishëm për skuadrën”.
Sneijder ndihmoi Galatën ta fitojë Kampionatin dhe Kupën e Turqisë duke shënuar 14 gola në të gjitha garat. /Telegrafi/
