Gjiganti italian është në kërkim të një portieri të sigurt dhe afatgjatë. Donnarumma nuk e ka vazhduar ende kontratën me Rossoneri dhe mund të largohet nga San Siro
Juventusi është në kërkim të një portieri të ri për sezonin e ardhshëm.
Gjatë verës që vjen, “Bianconeri” do t’ia mësyjnë portierit të Milanit, Gianluigi Donnarumma, shkruan “La Gazzetta dello Sport”, përcjell Gazeta Express.
Përfaqësuesit italian i ka mbetur edhe një vit kontratë me “Rossoneri” dhe këtë fakt po synon ta shfrytëzojë Juve.
Ndërkohë, Juventusi po e shqyrton edhe mundësinë e vazhdimit të kontratës me Wojciech Szczesny.
Nga ana e tij, Donnarumma nuk ka arritur ende marrëveshje me Milanin për vazhdimin e kontratës.
Prandaj, ai mund të largohet nga San Siro gjatë verës që vjen.
Interesim për portierin perspektiv ka shfaqur edhe Paris Saint-Germaini. /Gazeta Express/