Juventus ka filluar të konsiderojë mundësinë e blerjes së mesfushorit ofanziv, Juan Cuadrado.

Reprezentuesi kolumbian iu bashkua “Bianconerëve” në ditët e fundit të afatit kalimtar të verës në formë të huazimit njëvjeçar nga Chelsea.

Mirëpo, drejtuesit e kampionit të Italisë, pas paraqitjes fantastike të tij në fitoren ndaj Manchester Cityt në Ligën e Kampionëve, kanë filluar kontaktet e para me Chelsean në lidhje me blerjen e tij në verën e vitit të ardhshëm.

“The Blues” e kanë huazuar Cuadradon në Juventus për një dëmshpërblim prej 1.5 milionë euro, por klubi italian dëshiron ta mbajë atë.

Ndërkaq, Chelsea kërkon 20 milionë euro dhe 2-3 të tjera si bonuse. /Telegrafi/