Calciopoli nuk ka fund, ish-presidenti i Bolognas, Giuseppe Gazzoni Frascara, ka paditur Juventusin, Fiorentinën dhe disa klube të tjera duke kërkuar dëmshpërblim 113 milionë euro.
80-vjeçari ka ndërmarrë aksion ligjor kundër Juventusit, Firorentinës, Luciano Moggit, Antonio Giraudo, vëllezërve Della Valle, Sandro Mencuccit dhe ish-gjyqtarit Massimo De Santis.
Bologna kishte rënë nga Serie A në sezonin 2004-05, pasi kishte humbur në ‘play-off’ kundër Parmas dhe kështu Frascara ia kishte shitur shumicën e aksioneve Alfredo Cazzolas.
Calciopoli njihet si skandali më i madh në botën e futbollit dhe klubi i vetëm që nuk u prek ishte Interi. /Telegrafi/
