Dy skuadrat e mëdha italiane, Juventus dhe Inter kanë hyrë në garë për qendërmbrojtësin e Milanit, Alessio Romagnoli
Juventus dhe Inter do të takohen sonte në kuadër të Serie A, por këto dy skuadra po zhvillojnë një tjetër derbi jashtë fushës së gjelbër.
Arsye për këtë është qendërmbrojtësi i Milanit, Alessio Romagnoli, shkruan Tuttosport.
Lojtari ka kontratë me Milanin deri në vitin 2020, por problemet financiare mund të shtyjnë milanezët që të shesin yllin e tyre, të cilin para dy viteve e transferuan nga Roma për 25 milionë euro.
Të dy këto skuadra janë duke luftuar edhe për mesfushorin e Liverpoolit, Emre Can. /Express/