Drejtori i Juventusit, Beppe Marotta, i ka siguruar tifozët se nuk do të lejojë largimin e trajnerit Massimiliano Allegri dhe lojtarëve, si Paulo Dybala dhe Paul Pogba.

Bianconerët regjistruan fitoren e 11-të radhazi këtë sezon në Serie A dhe janë rrugës për ta fituar titullin e pestë radhazi.

Është spekuluar se Allegri është shënjestër e Chelseat për sezonin e ardhshëm, por drejtori i Juves nuk do ta lejojë largimin e trajnerit.

Gjatë një bisede për Mediaset Premium, ai ka thënë se dy lojtarët kryesorë, Pogba dhe Dybala, janë e ardhmja e bardhezinjve dhe do të qëndrojnë në skuadër.

Ai ka thënë po ashtu se Martin Caceres nuk do të largohet në janar, derisa ka premtuar rinovimin e kontratave për Patrice Evra dhe Andrea Barzagli. /Telegrafi