Jordi Alba, i habitur që Zidane u kthye në Real Madrid: Kjo nuk është normale

PUBLIKUAR

Mbrojtësi anësor i Barcelonës, Jordi Alba, e ka shprehur habinë e tij për kthimin e Zinedine Zidanit në pozitën e trajnerit të Real Madridit, për shkak që nuk kishte kaluar shumë kohë nga largimi i tij.

Trajneri francez i habiti të gjithë kur u largua nga Real Madridi në fund të sezonit të kaluar, pasi e fitoi titullin e tretë radhazi të Ligës së Kampionëve brenda vetëm dy sezoneve e gjysmë, transmeton Gazeta Express.

Megjithatë, Zidane u riemërua trajner i “Los Blancos” të hënën, pas shkarkimit të Santiago Solarit. Shkarkimi i argjentinasit kishte ardhur pasi Real Madridi u eliminua nga Ajaxi prej Ligës së Kampionëve dhe madrilenët mbetën 12 pikë prapa Barcelonës në La Liga.

Pas fitores së Barcelonës kundër Lyonit, me rezultat 5:1, që ia siguroi katalonasve kalimin në çerekfinale, Alba e shprehi habinë e tij për kthimin e francezit.

“Real Madridi u eliminua edhe pse ishte favorit. Por, Ajaxi ishte më i mirë në dy ndeshjet dhe e merituan të mposhten”, ka thënë Alba.

“Unë u habita nga kthimi i Zidanit në Real Madrid. Nuk është normale që një trajner të kthehet pas nëntë muajve”. /Gazeta Express/

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Kombëtarja e Shqipërisë rikthehet sonte në aksion, në një tjetër sfidë të Ligës së...

Erdhi me shumë bujë, Maran e lë në tribuna edhe për ndeshjen ndaj San Marinos!

Shqipëria përballet sot me San Marinon, por trajneri Rolando Maran ka vendosur të lërë...

Vushtrria pret kampionin e Kosovës, këto janë formacionet

Vazhdon edhe sot java e 3-të në Superligën e Kosovës. Kampionët e Ligës së Parë,...