Eurokomisioneri evropian për zgjerim dhe fqinjësi të mirë, Johannes Hahn, nga Durrësi i Shqipërisë, deklaron se është e pa dyshimtë që në Maqedoni duhet të ketë zgjedhje, ndërkaq KSHZ-ja duhet ta përgatitë listën zgjedhore, transmeton Telegrafi Maqedoni.

Sipas tij, nuk ka indikacione se lista zgjedhore nuk mund të përgatitet, pasi që kjo ishte arsyeja e trysnisë ndërkombëtare për t’u mbajtur zgjedhjet, por tani duhet të ketë mjaft kohë për t’u bërë çmos që lista të pastrohet.

Më tej, Hahn shtoi se qëllimi i marrëveshjes së qershorit-korrikut të vitit të kaluar eshte mbajtja e zgjedhjeve të drejta, të pranuara ndërkombëtarisht, që do të jenë bazë e zhvillimit të mëtutjeshëm të vendit, posaçërisht në drejtim të integrimeve euro-atlantike./Telegrafi/