Në kuadër të Javës Europiane së Lëvizshmërisë, Drejtorati për Planifikim, Urbanizëm dhe Mbrojtje të Mjedisit në bashkëpunim me Ministrinë e Mjedisit, Planifikimit Hapësinor dhe Infrastrukturës, sot kanë organizuar aktivitete për lëvizjen e qytetarëve me biçikleta në pjesë të qytetit e që synojnë të promovojnë ndërgjegjësimin e qytetarëve për të përdorur sa më pak mjetet që ndotin ambientin, njofton Komuna.

Këtij aktivitetit i’u bashkangjit edhe Kryetari Imri Ahmeti me bashkëpunëtorë me ç’rast falenderon të gjithë pjesëmarrësit për përcjelljen e mesazhit i cili kishte për qëllim përmirësimin e shëndetit publik dhe cilësinë e jetës përmes lëvizjes së qytetarëve lipjanas me biçikleta duke ndikuar kështu në ruajtjen dhe mbrojtjen e mjedisit.

Për të shënuar këtë ditë, nisja është bërë nga sheshi “Adem Jashari” dhe ka vazhduar përgjatë rrugës “Skëndërbeu”, duke u kthyer në rrugën “Gjergj Fishta” (përballë shkollës fillore “Vëllezërit Frasheri”, pastaj në rrugën “Hamzë Jashari” (përballë gjykatës) dhe ka përfunduar prap në sheshin “Adem Jashari”.