Kjo ishte java e sportistëve shqiptarë. Nora Gjakova, Romela Begaj dhe Daniel Godelli kanë arritur që Kosovës dhe Shqipërisë t’i sjellin medalje të arta.
Kjo javë ishte shumë e suksesshme për sportistët shqiptarë, të cilët arritën që Kosovës dhe Shqipërisë t’i sjellin medalje të arta.
Sot, xhudistja nga Peja, Nora Gjakova, ka fituar medaljen e artë në Kampionatit Evropian të xhudos U-23. Ajo në finale mundi rusen Anastasiia Konkina.
Kurse, të enjten, Romela Begaj ka fituar medaljen e artë në kampionatin Botëror të peshëngritjes në stilin e shkëputjes në peshën 63 kilogram. 28-vjeçarja ngriti 113 kg në këtë stil duke lënë pas vetes peshëngritësen me emër në arenën ndërkombëtare.
Ndërsa, të mërkurën, edhe Daniel Godelli arriti të fitojë medaljen e artë në Kampionatin Botëror të peshëngritjes, në stilin e shkëputjes në kampionatin botëror që po mbahet në Kazakistan.