Futbollisti me prejardhje nga Istogu, Adnan Januzaj, e ka refuzuar edhe njëherë mundësinë që në një të ardhme ta vesh fanellën e Përfaqësueses së Kosovës, duke folur për mediat belge, Adnani theksoi se gjithë karrierën e tij do të jetë anëtar i Belgjikës.
Kështu Adnani i ka dhënë një tjetër shuplakë Kosovës, pasi e konfirmoi edhe njëherë se gjithë karrierën e tij do të jetë i Përfaqësueses së Belgjikës.
“Unë sigurisht se jam shumë i lumtur që jam këtu, mund t’i pyesni edhe djelmoshat e tjerë. Unë jam gati të luajë në gjithë karrierën time për Belgjikën”, u shpreh Januzaj, përcjell Voetbalkrant.com.
Adnani foli edhe për debutimin e tij me belgët ndaj Koresë së Jugut, duke u shprehur i kënaqur me paraqitjen e tij. LIPJANINEWS.INFO