Presidentja e Kosovës, Atifete Jahjaga priti sot në takim ambasadorin e ri të Republikës Çeke në Prishtinë, Ivo Šilhavý.
Presidentja Jahjaga e njoftoi ambasadorin Šilhavý me zhvillimet aktuale në vendin tonë, duke theksuar se Kosova si, vend promovues i paqes dhe stabilitetit në rajon, synim parësor e ka integrimin në strukturat euroatlantike.
Jahjaga e uroi ambasadorin për detyrën e re dhe i dëshiroi sukses në misionin e tij në Kosovë, duke theksuar gatishmërinë e institucioneve të Republikës së Kosovës për thellim të marrëdhënieve me Republikën Çeke, në të gjitha sferat me interes të ndërsjellë.
Ambasadori i ri i Republikës Çeke në Prishtinë, Ivo Šilhavý tha se do të angazhohet për vazhdimin dhe avancimin e bashkëpunimit me institucionet e Kosovës. /Telegrafi/
