“Siç e kam thënë edhe në deklarimet e mia të ditës së djeshme se unë e kam vlerësuar dhe mbështes veprimin e djeshëm të mekanizmave të sigurisë për të sjell para drejtësisë të dyshuarit për terrorizëm dhe të gjithë ata që janë anëtarë të organizatave terroriste dhe që në njëfarë mënyre apo në mënyrën tjetër cenojnë rendin kushtetues të Kosovës dhe sigurinë kombëtare të vendit tonë”, ka thënë Jahjaga.
Ajo ka shtuar se Kosova kurrë nuk ka qenë dhe kurrë nuk do të jetë fole dhe vendstrehimore e veprimeve ekstremiste.
“Në mënyra të ndryshme e kam cekur se çështja e ekstremistëve të radikalizmit islamik ka qenë dhe është një ndër brengat e mëdha për vendin tonë dhe veprimi i djeshëm i institucioneve dhe mekanizmave të sigurisë është për tu përshëndetur nga të gjithë qytetarët e Kosovës”, ka thënë ajo.
Presidentja këto komente i ka bërë në gjatë një vizite në Komunën e Graçanicës, së bashku me ambasadoren e Shteteve të Bashkuara të Amerikës, Tracy Jacobson ku është takuar me kryetarin e kësaj komune, Branimir Stojanoviq.
Jacobson nuk ka pranuar të flas për media. /KP/