Edhe këtë të mërkurë, njësitet e policisë së Kosovës u vendosën në oborrin e Kuvendit.
Njësi të tjera qëndruan tek godina e Qeverisë së vendit e arsye për këtë ishte protesta e paralajmëruar nga opozita në ditën e Pavarësisë së Shtetit.
Por, njësitet më elite të forcave të rendit qëndruan në Drejtorinë Qendrore të Policisë.
Nga këtë fillimisht makineria e rëndë e tyre është nisur në drejtim të objektit të Qeverisë e më pas këtë rrugë në këmbë e morën edhe pjesëtarët e policisë.
Ata një orë para fillimit të protestës u vendosën në sheshin Skënderbeu, përballë objektit të qeverisë.
Derisa qëndruan aty, interesimi për të bërë një foto me ta ishte i madh.
Respekt për policët edhe vetë protestuesit.
E deri sa me këta policë qytetarët po bënin foto, një tjetër njësi me mjete të rënda u vendos në rrugën Rexhep Luci.
Të tjerë policë ishin vendosur mbi ndërtesën e Kuvendit, e nga atje po vëzhgonin situatën.
Në tërë këtë protestë, policëve nuk u doli shumë punë.
Ndërkohë organet e rendit, njoftuan edhe për konfiskimin e një bidoni me benzinë e një shkop bejsbolli.
Ndërsa në komunikatën zyrtare të tyre, thanë se në protestë morën pjesë 15 mijë persona, ndërsa nuk u shënua as një incident.
E për mbarëvajtje të kësaj proteste u angazhuan edhe kujdestarët e partive opozitare.
Kronikë nga Dibran Istrefi.