Sulmuesi i PSG-së, Zlatan Ibrahimovic, nuk ka qenë aspak i kënaqur me vendimet e arbitrit në ndeshjen kundër Bordeaux dhe është shfaqur shumë i nervozuar pas takimit, duke thënë se Franca është një vend i ndyrë.

Kampioni i Francës pësoi me rezultat 3-2 në terren mysafir, ndërsa të dy golat e kryeqytetasve i realizoi suedezi. Gjyqtari kryesor i ndeshjes, Lionel Jeffredo, nuk reagoi fare kur portieri i Bordeauxit e kapi me dorë topin e kthyer nga mbrojtësi, gjë që nuk është e lejuar me rregulla, dhe ishte pikërisht ky incident që e tërboi krejtësisht Ibrahimovicin.

“Gjatë 15 vitesh nuk kam parë arbitër si në këtë vend të ndyrë. Ky vend as që e meriton PSG-në. Nuk jeni duke luajtur me amatorë…”, është xhiruar duke thënë Ibrahimovic pas ndeshjes.

Në vazhdim ju ftojmë ta ndiqni videon e incidentit dhe pastaj reagimin e Ibrahimovicit pas lojës. /Telegrafi/