Mesfushori brazilian i Real Madridit, Casemiro ka folur pas humbjes së ekipit të tij ndaj Valencias në kuadër të La Ligas.

Reali humbi si mysafire e Valencias me rezultat 1-2, transmeton Express.

Por, Casemiro i fajëson vetëm 10 minutat e para të ndeshjes për dështimin e Realit.

”Nuk mund të luajmë ashtu siç luajtëm në 10 minutat e para. Nuk ka dyshim që ishte mungesë koncentrimi nga ana jonë” ka thënë ai.

Ai ka treguar se lojtarët madrilen janë acaruar me vetveten.

“Nuk jemi makina sidoqoftë, jemi njerëz por e dimë që nuk mund të luajmë në 10 minutat e para ashtu. Të gjithë lojtarët janë të acaruar me vetveten. Ishin 10 minuta të këqija dhe 80 të tjera ku u munduam të rikthehemi dhe të krijonim shanse,” ka shtuar ai./Express/