Kryetari i VV-së Visar Ymeri dhe UD i sekretarit organizativ Ismajl Kurteshi vizituan Qendrën e VV-së në Lipjan.
Kryetari Ymeri ka folur dhe përshkruar për situatën politike në vend, duke vlerësuar ate si tejet të rënd dhe jo stabile për shkak të sjelljes së papërgjegjëshme të koalicionit PAN të cilët gati për dy muaj po e mbajnë situatën peng duke provuar të sigurojnë dhe kontrabandojnë votat për të konstituar organet e Kuvendit dhe Qeverinë, shkruan Selatin Retkoceri.
Ismajl Kurteshi njoftoi kryesinë lidhur me përgatitjet që ata duhet të bëjnë për procesin zgjedhor që na pret. Kryesia është njoftuar dhe ka marrë përgjegjësinë për të kryer të gjitha detyrat që na presin dhe janë të nevojshme për mbarëvajtje të zgjedhjeve të 22 tetorit 2017.
“Kryetari i Qendrës ka njoftuar musafirët nga Prishtina lidhur me punët dhe aktivitetet e Qendrës në teren dhe në Qendër. Nga anëtarët prezent në mbledhje pati pyetje por edhe diskutime të ndryshme”, thuhet tutje.
Kryetari i qendrës Selatin Retkoceri njoftoi mbi përgaditjet që ka bërë qendra jonë për zgjedhjet e 22 Tetorit. Retkoceri tha së qendra e Lipjanit tashmë është në vlugun më të madh të punëve dhe theksoi që qyetarëve të Lipjanit do t’i prezentojmë listë serioze me kandidatë për Kuvend Komunal dhe për kryetar të Komunës.
/LipjaniNews/