Cristiano Ronaldo i ka ofruar Gareth Baleit disa fjalë ngushëlluese pas humbjes së Uellsit në gjysmë-finale të Euro 2016 ndaj Portugalisë.

Ronaldo i ka thënë Baleit se ekipi i tij uellsian ka qenë zbulimi i këtij edicioni të Kampionatit Europian.

“E përgëzova për ecurinë e tyre në këtë kampionat,” tha Ronaldo, i cili e përqafoi Balein pas fishkëllimës së fundit të gjyqtarit. “[Uellsianët] kanë pasur një ecuri mahnitëse. Ata kanë qenë yjet që kanë shndritur këtu, janë zbulimi i këtij turneu,” tha Ronaldo.

“U kam uruar fat, ndërsa sa i përket pjesës tjetër, më parë nuk do ta thosha,” tha Ronaldo pasi u pyet se çfarë i kishte thënë Baleit./Gazeta Express/